Purtaders da prestaziuns
Per sviluppar projects e purschidas orientadas al turissem da sanadad è dumandada en emprima lingia l'iniziativa persunala tenor il princip bottom-up da purtaders da prestaziuns locals e regiunals dals secturs da la sanadad e dal turissem. Per motivs pratics coordineschan els lur activitads a moda colleghiala.
Noss pass da procedura
Regiuns
La strategia duai vegnir sviluppada e realisada tenor las pussaivladads individualas da las regiuns. Per quest intent duai vegnir creada ina rait che po coordinar las activitads da las instituziuns sanitaras e dals manaschis turistics. En il cas ideal vegn quest process accumpagnà da structuras existentas dal svilup regiunal.
Models da sustegn chantunals
Per scuvrir trends duai vegnir organisà in think tank cun spezialistas e spezialists. Quels pon lura er accumpagnar ils purtaders da prestaziuns sco expertas ed experts durant la realisaziun da projects.
Per coordinar las mesiras en il turissem da sanadad è vegnì creà il post da coordinaziun Turissem da sanadad en il Grischun. El stat a disposiziun sco post da consultaziun e d'infurmaziun per temas en connex cun il turissem da sanadad e sustegna interessentas ed interessents dals secturs da la sanadad e dal turissem da sviluppar projects e crear raits.
Sin questa pagina-web B2B sviluppada per purtaders da prestaziuns per il turissem da sanadad vegnan messas a disposiziun e communitgadas tranter auter infurmaziuns davart projects e purschidas, occurrenzas, trends, exempels da best practice da la Svizra e da l'exteriur sco era fegls cun ils puncts impurtants per partenarias interessadas e partenaris interessads e pussaivladads da finanziaziun.
En il rom da sias pussaivladads finanzialas e legalas sustegna il Chantun il svilup da novas purschidas per il turissem da sanadad. Per quest intent s'engaschan communablamain ils uffizis dal Departament da giustia, segirezza e sanadad e dal Departament d'economia e fatgs socials. Questa collavuraziun mussa che la realisaziun da la strategia Turissem da sanadad en il Grischun è in'incumbensa per l'entir Chantun.