Tema

Sanadad mentala

La sanadad mentala (mental health) cumpiglia noss bainesser emoziunal, psicologic e social e vegn influenzada da fitg differents facturs. Tenor il rapport da sanadad da la WHO viva mintga otgavla persuna cun ina malsogna psichica. Er en il rapport da sanadad dal «zukunftsInstitut» vegn deditgà in entir chapitel al tema da la sanadad mentala. Tenor quel s'augmenta il dumber da cas da persuna che na pon betg lavurar pervi da malsognas psichicas cuntinuantamain dapi il 2013.

Il chantun Grischun porscha fitg bunas premissas per ina vasta purschida turistica en il champ da la sanadad mentala.

Projects actuals

Il di da team da mental health

Il di da team da la sanadad mentala porta interpresas e lur teams en il Grischun. En cumbinaziun cun in lavuratori davart il tema sanadad psichica datti in'activitad da gruppa turistica en las destinaziuns Viamala, Arosa, Lai u Cuira. Ils lavuratoris han lieu tar ils Servetschs psichiatrics dal Grischun (PDGR).
A la purschida

A la tschertga da projects e purschidas

Nus tschertgain ulteriuras purschidas interessantas en il champ da la sanadad mentala. As annunziai tar nus, sche Vus avais gia ina purschida correspundenta u sche Vus tschertgais inputs u partenaris per la realisaziun.
 

Las suandantas cundiziuns duessan esser ademplidas per ina purschida:
 

  • purschida da sanadad mentala concepida per giasts en Grischun
  • collavuraziun da furnitur:as da prestaziuns dal turissem e da la sanadad
  • scolaziun renconuschida en il champ da la sanadad mentala
  • creaziun da valur en il Grischun
  • Vossa purschida contribuescha al rinforzament da la posiziun dal Grischun sco emprima adressa per il turissem da sanadad resp. vacanzas da sanadad en Svizra

As participai uss

Avais Vus in'idea per in project u vulais Vus As participar ad in project existent? Tschertgais Vus partenaris per la realisaziun u vulais Vus vegnir a savair dapli dal turissem da sanadad en il Grischun? Il Post da coordinaziun per il turissem da sanadad Grischun sa legra sin Voss contact ed examinescha in sustegn pussaivel en ils champs da l'interdependenza, l'intermediaziun da savida, la cussegliaziun e la visibladad.
Participar