L’Uffizi da coordinaziun per il turissem da sanadad dal Grischun è stà activ dal 1. da schaner 2019 fin ils 31 da december 2024 tar ils Servetschs psichiatrics dal Grischun (PDGR). Sia incumbensa era da coordinar e facilitar il barat cun ils purschiders da servetschs en il sectur da sanadad e turissem, per sviluppar e tractar en moda integrada il tema turissem da sanadad en il Grischun. Persunas u instituziuns interessadas da lantschar, accumpagnar u engrondir in project en il sectur dal turissem da sanadad pudevan sa drizzar a l’Uffizi da coordinaziun per survegnir sustegn.

Il comité per il turissem da sanadad ha sustegnì ils purschiders da servetschs tar il svilup da las purschidas dal turissem da sanadad e tar la derasaziun da questa tematica enfin la fin dal 2024. Suenter è el vegnì schlià.

Commembras e commembras dal comité:

• Yvonne Brigger-Vogel; presidenta
• Hans-Peter Risch; vicepresident
• Ariane Ehrat
• Philipp Gunzinger
• Beat Villiger
• Kristin Bonderer

La gruppa directiva è vegnida fundada il cumenzament da l'onn 2017 e cumpiglia represchentantas e represchentants dal sectur da sanadad e dal turissem. Sia incumbensa è da chattar e definir trends en il turissem da sanadad e d'elavurar ina strategia per il turissem da sanadad en il Grischun. Cun sviluppar il maletg directiv dal turissem da sanadad ha la gruppa directiva per entant ademplì sias incumbensas. Ella vegn eventualmain puspè reactivada pli tard.