Dus terzs da las Svizras e trais quarts dals Svizzers inditgeschan ch’els sajan fisicamain activs e ch’els sujan almain duas giadas l’emna cun far activitads corporalas. Var trais milliuns persunas en Svizra reservan vacanzas, en las qualas il sport stat en il center. Dal punct da vista turistic è il sectur da l’assistenza tras la medischina da sport in sectur en svilup.
Funtauna: UST (2018) / Sport Svizra (2014)
Pli baud stevan servetschs da la medischina da sport a disposiziun en emprima lingia a sportistas e sportists professiunals. Oz profiteschan pli e pli er sportistas e sportists dal sport da massa da talas purschidas.
Premissas per projects e purschidas
La medischina da sport porscha puncts da partenza per analisar e per meglierar intenziunadamain la prestaziun individuala. La noziun medischina da sport n’è betg protegida e cumpiglia numerusas activitads. Latiers tutgan:
- consultaziuns preventivas (check-ups): body composition, analisa dal pass, electrocardiogram suenter in lev sforz corporal, electrocardiogram da ruaus, e.u.v.
- diagnostica da la prestaziun: tests da la forza e da la movibladad, tests da la forza da siglir u dals stgalims da lactat, analisa da la motorica/dal moviment, e.u.v.
- scleriments medicinals: spirometria (test da la funcziun dal pulmun), asma bronchial, asma dal sforz, analisa dals nivels da stress, e.u.v.
- cussegliaziun e trenament persunal
Tschertgà: projects
En il sectur da la medischina da sport èsi vegnì lantschà in emprim project cun Davos Sports & Health. I vegnan tschertgads ulteriurs partenaris ed ulteriuras cooperaziuns en autras destinaziuns.
Qua chattais Vus noss partenaris per la realisaziun dals projects
Spital Davos
Spital Davos
Spital Davos
Promenade 4
CH-7270 Davos Platz
Las persunas da contact varieschan tenor project. Fagei aschi bien e s'informai tier la pagina da project pertuccada.
