En il rom dal nov program da la regenza 2025–2028 ha la regenza decidì da betg cuntinuar cun la prioritad da svilup en il sectur dal turissem da sanadad. Perquai vegn il project terminà la fin dal 2024. Sco consequenza èn tant il comité existent per il turissem da sanadad sco er l’uffizi operativ da coordinaziun per il turissem da sanadad dal Grischun vegnids schliads la fin dal 2024.
Las activitads operativas da l’Uffizi da coordinaziun per il turissem da sanadad èn vegnidas terminadas la fin dal 2024. In rapport final detaglià vegn publitgà durant l’emprim quartal ed è accessibel sin questa pagina-web. Questa pagina da rait resta disponibla sco plattafurma d’infurmaziun enfin la fin dal 2025. La pagina B2C sviluppada en il rom dal project, graubuenden.ch/gesundheitsferien, vegn en l’avegnir manada directamain da Graubünden Ferien.
Furniturs da prestaziuns or dal Grischun pon sa drizzar en il futur cun ideas da projects inter-entreprendials en il sectur dal turissem da sanadad a las suandantas instanzas da contact:
- Turissem ed hotellaria: Uffizi per economia e turissem dal Grischun
- Sectur da sanadad: Uffizi da sanadad dal Grischun
Per la commerzialisaziun da purschidas existentas en il sectur dal turissem da sanadad vegni supplitgà da sa drizzar a Vossa organisaziun turistica regiunala.