Inhalt
Image

Pussaivladads da promover projects dal turissem da sanadad

Pussaivladads da promover projects dal turissem da sanadad en il Grischun

Body

Cun la nova politica regiunala sustegnan la Confederaziun ed il Chantun purtaders da projects da concepir, sviluppar e posiziunar cooperaziuns e purschidas dal turissem da sanadad orientadas a l'export per la dumonda naziunala ed internaziunala.

Uschia vul ins rinforzar purtaders ed interpresas existentas e dar impuls per la valur agiuntada en las regiuns.

Mesiras da la nova politica regiunala (NPR)

Body

Finamiras strategicas

 

  • Finamiras strategicas

  • rinforzar la cumpetitivitad da las branschas-clav orientadas a l'export sin stgalim chantunal (turissem, industria, furmaziun e sanadad)

  • activar acturs regiunals e locals e valurisar supplementarmain potenzials specifics en las regiuns

 

Questas finamiras vegnan cuntanschidas cun agid da trais accents da promoziun e mesiras accumpagnantas.

Title

Finamiras dal program NPR

Image

Tip da sustegn

Body

Ils suandants aspects d'in project pon vegnir promovids:

 

  • far concepts e plans da business per sviluppar purschidas
  • far lavur da basa en il senn dal scleriment dals basegns e da studis davart la realisabladad
  • coordinar e realisar activitads da purtaders da projects

 

Per la promoziun finanziala datti duas pussaivladads:

 

  • contribuziuns à fonds perdu (coordinar resursas per proceduras da strategia, basas, concepziun, capacitads da realisaziun, impuls per stabilir in martgà)
  • credits (investiziuns); investiziuns fatgas cun credits duain avair ina durada da vita da 15-20 onns.

 

En tut pon vegnir decididas max. 50% da las contribuziuns da promoziun pussaivlas e totalmain max. CHF 150'000.

 

I na vegnan concedids nagins meds finanzials per activitads da commerzialisaziun.

Premissas

Body

 

  • Iniziativa e collavuraziun dad acturs da la branscha da sanadad. Prontadad da sviluppar products d'export reservabels, cooperaziuns/raits, commerzialisaziun, investiziuns.
  • Coordinaziun cun l'uffizi da sanadad e la politica da sanadad chantunala incl. ils gremis respectivs.
  • Dumondas da project ston vegnir inoltradas dals purtaders.
  • La perscrutaziun da basa sto adina manar ad in studi davart la realisabladad per survegnir sustegn.
  • Dumondas per contribuziuns à fonds perdu sco era per credits ston vegnir fatgas avant la realisaziun dal project.
  • Il provediment da basa dal sectur da la sanadad na vegn betg finanzià.

Procedura per inoltrar ina dumonda

Body
  1. Emplenir il formular per la        dumonda da promoziun
  2. Inoltrar la dumonda
  3. Spetgar l'examinaziun da la dumonda tras il Chantun. Tut tenor l'autezza dals meds finanzials dumandads dura quai tranter 2 e 6 emnas.
  4. Realisar il project. 
  5. Inoltrar il rapport final ed il quint final a l'Uffizi per economia e turissem.
  6. Retschaiver la contribuziun. Tut tenor project pon era vegnir concludids pajaments intermediars.

Program da realisaziun Grischun 2020-2023

Body

En ils documents dal program da realisaziun Grischun 2020-2023 chattais Vus ils champs tematics definids per il basegn d'agir, las finamiras strategicas ed il diever dals meds planisà per ils onns 2020-2023.