Sut il num «Davos Sports & Health» duai il Swiss Olympic Medical Center (SOMC) daventar il center regiunal il pli impurtant da muntada (inter-)naziunala. I vegn prendì en mira ina collavuraziun regiunala e surregiunala cun ulteriurs partenaris.

Cun l’Ospital chantunal dal Grischun a Cuira, l’Ospital Tavau el l’Ospital Engiadin’Ota a Samedan datti en il Grischun trais centers da dialisa moderns en in ambient quiet. En collavuraziun cun partenaris dal sectur da l’hotellaria en las regiuns e cun il post da coordinaziun dal turissem da sanadad han ils trais centers stgaffì ina purschida da vacanzas per pazientas e pazients da dialisa. Ussa vegnan tschertgads ulteriurs partenaris da project per amplifitgar la purschida.